Երևանի «Մխիթար Սեբաստացի» կրթահամալիրում գործող 9-րդ դասարանի մասնագիտական կողմնորոշման մեկամյա ծրագիրը 2022 -2023 ուսումնական տարում հրավիրում է սովորելու բոլոր այն ոչ սեբաստացի պատանիներին, ովքեր ուզում են 9-րդ դասարանի ավարտին հետագա ուսումը շարունակելու գիտակցված ընտրություն կատարել:
Ուսուցումը կազմակերպվում է կրթահամալիրի, ծրագրի ուսումնական օրացույցով՝ սովորողի անհատական ուսումնական պլանի հիման վրա, որը հեղինակային կրթական ծրագրի սովորողի ուսումնառության պայմանագրի հավելվածն է:
9-րդ դասարանի սովորողի անհատական ուսումնական պլանը կազմելիս՝ հաշվի է առնվում կրթության կազմակերպման՝ սովորողին հարմար ձևը։ Ըստ այդմ ընտրելով ուսումնական տվյալ շրջանին, կամ նշված ժամանակահատվածին հարմար ուսուցման կազմակերպման ձևը.
- առկա
- առցանց
- հեռավար
Մասնագիտական կողմնորոշման ծրագիրը հիմնված է ուսումնական պլանով որոշված ընտրությամբ գործունեությունների, այլ դասընթացների մասնագիտական կողմնորոշման հմտություններին ուղղված շուրջտարյա, երկարաժամկետ և կարճաժամկետ նախագծերի ցանկի վրա:
Սովորողին առաջարկվում է.
Լաբորատորիաներ
- Կենդանիների և բույսերի խնամքի, հավաքման, մշակման
- Գինեգործության
- Փայտամշակման
- Ինժեներատեխնիկական
Արտադրական արհեստանոցներ
- Ոսկեգործության
- Կարուձևի
- Բրուտի
Արվեստանոցներ
- Կերպարվեստի-դիզայնի-մոդելավորման-քանդակի
- Գորգագործության-ասեղնագործության
Ուսումնական կենտրոններ
- Ուսումնական Ագարակ
- Խաղողի և գինու դպրոց
- Արատեսի դպրական կենտրոն
- Վիգեն Ավետիսի քանդակի դպրոց
- Երաժշտության և պարի
- Շախմատի
- Մարզական
- Գրադարան, մեդիագրադարան
Սովորողի ընտրությամբ՝ օտար լեզուներ
- Վրացերեն
- Պարսկերեն
- Թուրքերեն
- Ֆրանսերեն
- Իսպաներեն
- Իտալերեն
- Գերմաներեն
- Լեհերեն
Ընդունելությունը կազմակերպվում է «Մուտք կրթահամալիր» 6-օրյա ճամբարի երկու փուլերով՝ քաղաքային և արտագնա՝ Արատեսի դպրական կենտրոն:
«Մուտք կրթահամալիր» ճամբարին մասնակցելու համար պետք է հայտագրվել հղումով:
Հասցե՝ ք. Երևան, Ա. Բաբաջանյան 25
Հեռ՝ 010 740042, 077 970031
Էլ. փոստի հասցե
